Party Scatter: Tinubu Set To Give PDP Wotowoto As He Begs Supporters To Lower The Temperature Till Kickoff Of Campaigns (Videos) 

Party Scatter: Tinubu Set To Give PDP Wotowoto As He Begs Supporters To Lower The Temperature Till Kickoff Of Campaigns (Videos)

The APC presidential candidate, Asiwaju Bola Ahmed Tinubu don finally cut rope as him don read the riot act to the opposition, Tinubu wey dem say e head no dey house don ready prove to them say really this election matter him ready for dem no b small.

Yesterday Tinubu and hin running mate ,Kashim Shettima attend the APC Northern Speakers Forum’s unveiling of the Logo and Campaign vehicles for their door-to-door campaign and na there Tinubu begin fire from all cylinders.

Hin, first of all, beg him supporters make dem lower the temperature say time to begin caste everywhere for campaigns never reach.  E say when time reach dem go know “WETIN TIME DEY TALK”, according to am dem be professionals of progressives, wey all dem sabi na Talk and do.

You know Tinubu sabi grammar, see  how e take put am ” Lower the temperature, It’s not the time to campaign yet, they will hear a lot from us….WE ARE THINKERS AND DOERS”

Then for the PDP matta, Tinubu finish dem kpatakpata, e say dem (APC) go dig grave for PDP bury dem put, i.e Late PDP of blessed memory. According  to am dem no b equals at all, we are smarter, we know the road let them follow. Tinubu mouth  sha, e still talk say PDP dey confused say months to election dem still dey drag for leadership of the party, e say dem dey find direction.

We don first talk am say this election no be beans na for those wey get mind. Kikiki Asiwaju mouth no good oh.

Check out the video below and some pepper dem photos we dey cause vawulence everywhere.

Osigwe Omo-Ikirodah CEO and Principal Bush Radio Academy.